ADDA TƏLƏBƏ HƏMKARLAR İTTİFAQI KOMİTƏSİ
Əzizov Turqut
ADDA-nın THİK-nin sədri
ÜMUMİ MƏLUMAT
Sədr: Əzizov Turqut
Sədr müavini: Sadıqov Ələddin
Sədr müavini: Mirzəzadə Heydər
ADDA-nın THİK-nin strukturu:
Fakültə sədr və müavinləri:
I. ”Gəmi mexanikası və elektromexanikası” fakültəsi üzrə
1) Cəfərov Vaqif 197A fakültə sədri
2) Filmanov Ehtiram 367A1 fakültə sədr müavini
3) Behbudaliyev Seymur 367A2 fakültə sədr müavini
II. ”Gəmi sürücülüyü” fakültəsi üzrə
1) Məmmədquliyev Zəfər 186A2 fakültə sədri
2) Vəliyev Arzuman 188A2 fakültə sədr müavini
3) Ələkbərli Əsgər 207A1 fakültə sədr müavini
ADDA-nın THİK-nin idarə heyyəti:
Layihə işləri üzrə departamentin sədri: Ağayev Murad - “Gəmi sürücülüyü fakültəsi”nin 207A1 qrup tələbəsi
Sədr müavinləri: Kazımov Hüseyn 188A1 qrup tələbəsi
Hüseynov Aqil 207R qrup tələbəsi
Lahiyə işləri üzrə departament hər növ tədbirlərin, yarışların lahiyələndirilməsi işinə baxır.
İdman Cəmiyyətinin sədri- Fərziyev Fərid “Gəmi mexanikası və elektromexanikası fakültəsi”nin 366A1 qrup tələbəsi
Sədr müavinləri: Qurbanov Arif 368A3 qrup tələbəsi
Əlizadə Cabbar 368A1 qrup tələbəsi
İdman cəmiyyəti – Akademiya daxilində idman növləri üzrə yarışların təşkili ilə məşğuldur.
Elmi işlər üzrə sədr : Məstiyev Gürşad - “Gəmi sürücülüyü fakültəsi”nin 187A qrup tələbəsi
Sədr müavinləri: Məmmədzadə Cabbar 199 İ qrup tələbəsi
Abbasov Famil 198A1 qrup tələbəsi
Elmi işlər üzrə departament elmi tədbirlərin keçirilməsini,bilik yarışlarının təşkil olunmasını təmin edir.
ALİ VƏ ORTA İXTİSAS TƏHSİLİ MÜƏSSİSƏLƏRİ QRUP HƏMKARLAR İTTİFAQI TƏŞKİLATLARI BARƏDƏ
ƏSASNAMƏ
Respublika Komitəsinin “18” iyun 2004-cü il tarixli Plenumumunda təsdiq edilmişdir.
HƏMKARLAR İTTİFAQI KOMİTƏLƏSİNİN FƏALİYYƏTİNİN ƏSAS İSTİQAMƏTLƏRİ
Həmkarlar ittifaqı komitəsinin fəaliyyətinin əsas istiqamətləri əsasən onun qarşısında duran aşağıdakı vəzifələrdən ibarətdir: - Təhsil sahəsində oxuyan və işləyən ittifaq üzvlərinin əmək, sosial, iqtisadi hüquqlarının və qanuni mənafelərinin müdafiəsi; - İşəgötürənlə əməkdaşlıq çərçivəsində ittifaq üzvlərinin mənafelərini təmsil etməsi, kollektiv danışıqların aparılması, kollektiv müqavilələrin, sazişlərin bağlanılması və onların yerinə yetirilməsinə nəzarətin həyata keçirilməsi; - İttifaq üzvlərinin, onların ailə üzvlərinin sağlamlığına qayğı göstərilməsi, onların pensiya təminatının, sanatoriya, kurort müalicəsinin və istirahətlərinin təşkil edilməsi, bədən tərbiyəsi və idmanın inkişaf etdirilməsi; - Əməyin mühafizəsinə, ətraf mühitə, sağlamlığa mənfi təsir göstərən faktorların aradan qaldırılmasına, üzvlərinin sağlam və təhlükəsiz iş səraiti ilə təmin edilməsinə ictimai nəzarətin təşkil edilməsi; - Həmkarlar ittifaqı fəallarının, həmkarlar ittifaqı işçilərinin və həmkarlar ittifaqı üzvlərinin hazırlanılmasının, yenidən hazırlığını, ixtisaslarının və təhsilinin artırılması; - Həmkarlar ittifaqı üzvlərinə və həmkarlar ittifaqı təşkilatlarına metodiki informasiya, hüquqi, maddi və digər yardım növlərinin göstərilməsi və s. Həmkarlar ittifaqı komitəsi öz fəaliyyətinin istiqamətlərini həyata keçirmək məqsədilə ittifaqın nizamnaməsinə əsasən komissiyalar təşkil edir.
TƏŞKİLATİ-KÜTLƏVİ İŞ KOMİSSİYASI Qarşısında duran vəzifələr: - Müəssisə və təşkilatda çalışanları (tələbə və şagirdləri) ittifaqa üzvlüyə cəlb edir; - Həmkarlar ittifaqı komitəsinin işini planlaşdırır; - Hesabat-seçki iclaslarında (konfranslarda) deyilmiş təklif və tənqidi qeydləri ümumiləşdirir, tədbirlər planı tırtib edir; - Həmkarlar ittifaqı komitələrinin iclaslarını hazırlayır; - Həmkarlar ittifaqı komitəsinin qəbul etdiyi qərarların yerinə yetirilməsinə nəzarət edir; - Həmkarlar ittifaqı fəallarının təhsilimi təşkil edir; - Həmkarlar ittifaqı komitəsində kargüzarlıq işlərinin düzgün təşkilini həyata keçirir; - Həmkarlar ittifaqı təşkilatlarının qeydiyyatını aparır və təşkilatın sahələrinin keyfiyyətcə möhkəmlənməsini təşkil edir; - Həmkarlar ittifaqı sahəsində fərqlənən ittifaq üzvlərinin maddi və mənəvi cəhətdən mükafatlandırılması barədə təkliflər verir; - Həmkarlar ittifaqının və onun ayrı-ayrı orqanlarının fəaliyyəti ilə əlaqədar daha çox ittifaq üzvünün və təhsil işçisinin tanış olması məqsədilə geniş və hərtərəfli məlumat hazırlayır; - Məlumat xarakterli məsələlər, yeni qəbul edilmiş normativ sənədlərlə əlaqədar həmkarlar ittifaqı fəallarına, onun ayrı-ayrı orqanlarına metodiki köməklik göstərir; - Həmkarlar ittifaqı komitəsinin iclaslarını (konfransları, müşavirələri və digər yığıncaqları) protokollaşdırır; - Təşkilati işlərlə əlaqədar daxil olmuş ərizə, şikayət, sorğularla əlaqədar araşdırma aparır, öz təkliflərini verir; - Həmkarlar ittifaqının möhkəmlənməsi və nüfuzunun artması üçün müxtəlif müsabiqə, yarış və treninqlərin keçirilməsini təşkil edir; - Kollektiv müqavilənin yerinə yetirilməsində yaxından iştirak edir. MƏDƏNİ-
KÜTLƏVİ VƏ İDMAN İŞLƏRİ KOMİSSİYASI Qarşısında duran vəzifələr: - Ümummilli liderimiz Heydər Əliyevin və Vətənimizin azadlığı uğrunda canından keçmiş şəhidlərimizin qəbirlərinin ziyarət edilməsini, ölkəmizin tarixində əlamətdar və faciələrlə xatırlanan günlərinin təntənəli şəkildə qeyd olunmasını təşkil edir; - İttifaq üzvlərində Vətənə, Torpağa məhəbbət hissi aşılamaq məqsədilə tətil və istirahət günlərində muzeylərə, tarixi abidələrə və ölkəmizin görməli yerlərinə səyahətlər təşkil edir; - İttifaq üzvlərini mədəni kütləvi tədbirlərə, teatr tamaşalarına cəlb edir; - Təhsil müəssisələrində müdiriyyətlə birgə respublikamızın dövlət və milli bayramlarını keçirir; - Kollektiv müqavilələr hazırlanarkən təkliflər hazırlayır; - Kollektiv müqavilələrdə nəzərdə tutulmuş mədəni-kütləvi idman işlərinin təşkilinə nəzarət edir; - İstirahət düşərgələrinin yay mövsümünə hazırlığı ilə əlaqədar işlərin görülməsi; - İttifaq üzvlərinin asudə vaxtlarının təşkili məqsədilə onların zövqünə uyğun mədəni-kütləvi tədbirlər həyata keçirir, müxtəlif dərnəklər yaradır, intellektual yarışlar keçirir, müvafiq müsabiqələr təşkil edir; - Xalqımıza qarşı ermənilər tərəfindən müxtəlif illərdə törədilmiş soyqırımların ittifaq üzvlərinə çatdırılması və kütləvi xatırlama mərasimləri keçirilməsini təşkil edir; - İttifaq üzvlərinin yaradıcılıq sərgilərini, baxış müsabiqələrini, festival, yarış və spartakiadalarını təşkil edir; - İttifaq üzvlərinin maraq və meyllərini nəzərə alaraq asudə vaxt mərkəzlərinin açılması üçün təkliflər hazırlayır; - Bayramlar ərəfəsində ittifaq üzvlərinin iştirakı ilə qocalar evində, uşaq evlərində görüşlər keçirilməsini, onlara maddi və mənəvi yardımlar göstərilməsini təşkil edir; - Ön cəbhədə olan hərbi hissələrə səfərlər təşkil edir, onlara maddi və mənəvi yardımlar göstərir və əsgərlərimizin döyüş əhval-ruhiyyəsini yüksəldir.
ƏMƏYİN TƏŞKİLİ KOMİSSİYASI Qarşısında duran vəzifələr: - İş yerlərinin, keçidlərin, binaların , ərazinin və s. yerlərinin, eləcə də istismar olunan avadanlıqların, yükqaldırıcı və nəqliyyat vasitələrinin texnoloji proseslərin əməyin mühafizəsi tələblərinə cavab verməsi vəziyyətini müntəzəm yoxlayır; - Zərərli, yanğın və partlayış, təhlükəli maddələrin və materialların düzgün daşınması, saxlanması və istifadə edilməsinə, radioktiv şüalanma mənbələrinə nəzarət edir; - İş yerlərində sanitar-gigiyenik əmək şəraitini və vəziyyətini (istilik-rütubət rejimini, hava mühitinin tozlanması və qazlanmasını, işıqlanmanı və s.) işləyənlərin sanitar-məişət otaqları, qurğuları ilə təmin olunması və onların saxlanması vəziyyətini yoxlayır; - Yeni tikilən və yenidən qurulan istehsalat və məişət təyinatlı obyektlərin əməyin mühafizəsi qaydalarıına uyğunluğunu yoxlayır; - Təlimatların keçirilməsinə, işçilərə təhlükəsiz iş üsullarının öyrədilməsi, təşkili və bu işlərin keyfiyyətli aparılmasına, yüksək təhlükəli işlərdə işləyənlərə müvafiq vəsiqələrin və naryadburaxılışların verilməsinə nəzarət edir; - Əmək xəsarəti və peşə xəstəliklərinin səbəblərini təhlil edir, onların aradan qaldırılmasına dair tədbirlərin, Dövlət əmək müfəttişliyinin, müəssisələrin əməyin mühafizəsi xidmətinin göstərişlərinin, ictimai təşkilatların və həmkarlar ittifaqları tərəfindən bu işə vəkil edilmiş şəxslərin əməyin mühafizəsinə dair təqdimatların yerinə yetirilməsinə nəzarət edir; - Əgər əmək xəsarəti yalnız müəsssisənin təqsiri üzündən deyil, həm də zərərçəkənin kobud ehtiyatsızlığı üzündən baş veribsə, işəgötürən zərərçəkənin təqsirinin dərəcəsini müəyyən etdikdə əməyin mühafizəsi komissiyası bu barədə rəy verir. Komissiyanın rəyi işəgötürən tərəfindən hökmən nəzərə alınmalıdır. - İşləyənlərin vaxtlı-vaxtında pulsuz xüsusi geyim, xüsusi ayaqqabı və fərdi mühafizə vasitələri ilə təmin edilməsi və onlara qulluq olunmasına (təmiri, təmizlənməsi, yuyulması, tozunun təmizlənməsi və s.) nəzarət edir; - İş rejimi, istirahət vaxtı, qadın və gənclərin əməyin mühafizəsinə, yuyucu və dezinfeksiya edici materialların, müalicəvi-profilaktik qidaların verilməsindən, içməli su rejiminin təşkili və eləcə də istehsalatda xəsarət almış işçilərin səhhətinə dəyən zərərə görə ödənclərin vaxtlı- vaxtında və dügün verilməsinə, qanunvericiliyə əməl olunmasıına nəzarət edir; - Əməyin mühafizəsinə dair Sazişlərin və Kollektiv Müqavilənin müvafiq bölməsinin işlənib hazırlanmasında və yerinə yetirilməsinin yoxlanılmasında, əməyin mühafizəsinin təmin olunmasına dair tədbirlərin həyata keçirilməsində, müəssisənin payız-qış mövsümündə işə hazırlanmasında, iş yerlərinin attestasiyadan keçirilməsi işində iştirak edir. Əməyin mühafizəsi üçün nəzərdə tutulmuş vəsaitdən düzgün istifadə olunmasına nəzarət edir; - Ayrı-ayrı normativ sənədlərin layihələrinə əməyin mühafizəsinin aktual məsələlərinə və eləcə də həmkarlar ittifaq üzvlərinin ərizə və şikayətlərinə baxır və lazımi hallarda müvafiq həmkarlar ittifaqı komitəsinə, sex komitəsinə (həmkarlar bürosuna) təklif verir; - Əməyin mühafizəsinə dair təşkilati tədbirlərin (baxış, müsabiqələr, reydlər, əməyin mühafizəsi günü və s.) hazırlanmasında və keçirilməsində iştirak edir, təbliğat vasitələrinin olmasını və vəziyyətini əməyin mühafizəsi üzrə kabinetin işini, təhlükəsizlik texnikası üzrə lövhə və guşələrin təşkili vəziyyətini yoxlayır; - Əməyin mühafizəsi üzrə ictimai müvəkkillərin işini təşkil edir. ƏMƏK VƏ SOSİAL MÜDAFİƏ KOMİSSİYASI Qarşısında duran vəzifələr: - Təhsil müəssisəsinin rəhbərliyi tərəfindən iş vaxtı, istirahət günləri, məzuniyyət, qadınların və azyaşlıların əməyin müdafiəsi ilə əlaqədar Əmək Məcəlləsində nəzərdə tutulmuş qanunvericiliyin tələblərinə əməl edilməsinə nəzarət edir; - Əmək haqqı ilə bağlı qanunvericilik barədə həmkarlar ittifaqı strukturlarına məsləhətlər verir; - İş vaxtından əlavə işə görə əmək haqqı hesablanmasına, əmək haqqından, məzuniyyət haqqından düzgün vergi tutulmasına nəzarət edir; - Əmək haqqının vaxtında və düzgün verilməsinə nəzarət edir; - İttifaq üzvlərinin hüquqlarının müdafiəsi ilə əlaqədar məhkəmədə iştirak edir; - Əmək, sosial müdafiə (məsləhət, iddia ərizəsinin tərtibi və digər hüquqi sənədlərin hazırlanması və s.) ilə əlaqədar ittifaq üzvlərinə hüquqi yardımlar göstərir; - Verilən qərarların, sərəncamların və digər hüquqlu sənədlərin qüvvədə olan qanunvericiliyə uyğunluğunu hüquqi ekspertiza baxışından keçirir; - Kollektiv müqavilənin hazırlanması və bağlanmasında iştirak edir; - Hüquqi məsələlərlə əlaqədar həmkarlar ittifaqı fəalları üçün metodiki vəsaitlər hazırlayır; - Həmkarlar ittifaqı fəallarını hüquqi məsələlərlə bağlı təşkil edilən kurslara, seminarlara, treninqlərə cəlb edir; - Kollektiv müqavilənin şərtlərinin yerinə yetirilməsinə nəzarət edir; - Kollektiv müqavilənin layihəsi ilə əlaqədar öhdəliklərin götürülməsində qanunvericiliyə əməl edilməsinə nəzarət edir; - Gələcəkdə konfransda (iclasda) qəbul edilməsi üçün həmkarlar ittifaqı fəallarının iştirakı ilə kollektiv müqavilənin layihəsinin həmkarlar ittifaqı orqanlarında müzakirəsini təşkil eir; - Müqavilənin şərtlərinin yerinə yetirilməsi ilə əlaqədar yaımillik və illik hesabatları tərtib edir; - Əmək qanunvericiliyində dəyişikliklərlə əlaqədar müvafiq kollektiv müqavilələrə əlavə və dəyişikliklərin nəzərə alınmasını təşkil edir; - Konfrans və yığıncaqlarda əmək kollektivi tərəfindən irəli sürülən təklif və iradların həyata keçirilməsinə nəzarət edir.