Ana səhifəIxtisasartırma və sertifikatlandırma üzrə prorektor

  

09.05.1958-ci ildə Bakı şəhərində anadan olub.

1973-1975-ci illərdə C.Naxçıvanski adına hərbi məktəb və 1975-1980-ci illərdə Ali Hərbi-dənizçilik məktəbini bitirib. 1980-1992-ci illərdə Qara dəniz Donanmasının xüsusu təyinatlı gəmilərində şturman vəzifəsindən gəmi komandiri vəzifəsinədək xidmət etmişdir.

 

 

Liviya, Efiopiya, Yəmən respublikalarında hərbi əməliyyatlarda, eləcə də Fars korfəzindən gəmilərimizin keçməsində iştirak etmişdir. Kosmonavtların hazırlanması ilə məşğul olmuş, eləcə də ilk pilotsuz “Buran” kosmik aparatının Hind okeanında sınaqdan keçirilməsində iştirak edib.

1992-2000-ci illərdə Ali Hərbi Dənizçilik Məktəbində baş müəllim, fakultə rəisi, kafedra rəisi və məktəbin rəis müavini vəzifələrində işləyib.

2000-2005-ci ildə Azərbaycan Respublikası Müdafiə Nazirliyini Hərbi Dəniz Qüvvələrinin Təlim Mərkəzinin rəisi vəzifəsində xidmət etmiş və 2005-ci ildə 1-ci dərəcəli kapitan hərbi rütbəsi ilə ehtiyyata buraxılmışdır.

2006-cı ildə ARDNŞ Xəzər Dəniz Neft Donanmasında hamiyəçi kapitan, 2007-2009-cu illərdə ARDNŞ Xəzər Dəniz Neft Donanmasının Dənizdə insan həyatının mühafizəsi üzrə təlim mərkəzinin direktor müavini, 2011-2013-cü illərdə ARDNŞ Xəzər Dəniz Neft Donanmasının Dənizdə insan həyatının mühafizəsi üzrə təlim mərkəzinin direktoru, 2013-2014-cü illərdə ARDNŞ Təlim, Tədris və Sertifikatlaşdırma İdarəsinin Dənizdə insan həyatının mühafizəsi üzrə təlim mərkəzinin müdiri və 2014-2015-ci illərdə “AXDG” QSC İstehsalat Xidmətləri İdarəsinin Təlim Tədris Mərkəzinin direktoru vəzifələrində işləyib.

2007-2014-cü illərdə “Gəmilərin Davamlılığı uğrunda Mübarizə üzrə Təlimat (GDMT-81)”, Gəmilərin İstismarının Əmniyyətli İdarə Edilməsi və Çirklənmənin qarşısının alınması üzrə Beynəlxalq Məcəllə (ƏİBM-2014)”, “Əmniyyətli  İdarəetmə  haqqında Beynəlxalq   Məcəllə ” kursu üzrə metodiki  vəsait, “Bütün dənizçilər üçün təhlükəsizlik üzrə tanışlıq, ilkin hazırlıq və təlimat” kursu üzrə metodiki vəsait, Gəmidə Tibbi Hazırlıq üzrə metodiki vəsait, “Gəmi və Liman vasitələrinin mühafizəsi üzrə Beynəlxalq Məcəllə” kursu üzrə metodiki vəsaitlərin hazırlanmasında iştirak edib.

2015-ci ildən “AXDG” QSC Azərbaycan Dövlət Dəniz Akademiyasının Prorektoru – Dənizçilərin hazırlanması və sertifikatlandırma mərkəzinin direktoru vəzifəsində işləyir.